Die Feuerwehr

Wer deht Hab und Gut uns rette,
wann kaa Feierwehr mir hätte?
Wer deht - aach, wann’s nit deht brenne --
sorche, daß mir lösche könne?
Feste feiern, klaane große,
Trumbeet un aach Schoppe bloose?
Ei, so ebbes gibt’s nit mehr
als wie unser Feuerwehr!

Wann’s Alarm nachts pfeift un trummelt,
werd geschennt nit un gebummelt.
Wer fährt hordisch in die Kleider?
Wer holt Spritze, Schlau un Leiter?
Un wer turnt mit Helm un Stiwwel
nuffzus uff die höchste Giwwel
sterzt sich widder’s Flamme-Meer ... ?
Unser düchtich Feuerwehr!

Un se krawwele wie Gemse,
wann die Balke aach schont flemmse,
Boord un Diel un Böddem raache,
daß es bizzelt in de Aache.
Setze kalt uff’s Spiel ihr Lewe
for en Kind erauszuhewe
-- for kaa Geld un for kaa Ehr --
Unser dapper Feuerwehr?

Lieht das Feuer in de Aesche
gilt’s en annern Brand zu lösche,
weil die Gorjel is so trucke,
daß mer nit demit kann schlucke.
Aj! Do is en halwe Schoppe
uff en heiße Staa nur’n Troppe!

Drum -- von alle Qualidäde,
wo im Rheingau wachse dehte,
-- aa Ehr for die anner Ehr --
s’allerbest grad richtig wär
for die dorschdich Feuerwehr!

von Hedwig Witte